الى من فقدة ابنها

موضوع: **الى من فقدة ابنها** 2008-01-19, 09:30

بعداك

مـــــو هين يبعد الروح بعداك

يمه الدمع ســــــوه انهار بعداك

وعسى الي بيك صاريصير بعداك

يموتــــون العــــــده وتظل اليه

يا يمه معقوله صدك يا يمه ما شوفك بعد

يا غالي يا بعد العمر يرحمك الواحد أحد

يتمك وكتك من زغر

وسنين مرت والعمر

وعليك ظهري منكسر

والوكت عن تعبي شهد

لجلك حملت اني القهر وانته طفل وسط المهد

لن عوزي ابد ما ينوصف والعوز من عوزي شرد

بدموعي ربيتك أنه

واليوم مر بيه سنه

علعلني وكتي يل ظنه

والحزن ثق بيه خلد

لكن حملت اني الحزن حته تعيش انته ابرغد

والحمد لله انته عشته واصبحت ليه انته سند

للبيت صرت انته رجل

من عندي خففت الحمل

مو حقي من دمعي يهل

وعليك ما يوكف أبـــــد

من وصل يا يمه الخبر ليه انزرف عندي الكبد

كالولي ميت منغدر وابنچ كبل موتــــــــه انجلد

ياغالي متعذب صدك

كالولي وجهك محترك

شنهو الجنيته اونفترك

فركه يغالي ابلا مـــــرد

صعبه بعد مترد الــــي

لن انته ناسي اوكل هلي

ما عندي غير انته ولي

وابومتك اكليبي انمرد

بالدار وحدي انا عشت

بعدك يغالي اتعـــــــذبت

يا ريت أنـــــي الي متت

وانته التظل حي يل ولد

موضوع: رد: **الى من فقدة ابنها** 2008-01-19, 10:08

جميييييييييييل اخويه الجريح

موضوع: رد: **الى من فقدة ابنها** 2008-01-19, 10:57

تسلم بارك الله فيك اخي المبدع

**الى من فقدة ابنها**

الى من فقدة ابنها