جارحني تدري الزمن لاتيد بجروحي

جارحني تدري الزمن لتزيد كلبي اجروح
اوتــــدري انته مثل النفس مرتبطه بيك الروح
وادري انته نهر الوفـــــــــــه أوبيك الوفه سابوح
اوتدري انــي لوح انشتل من وردك الي ايفوح
نهر انته تعرف تره بعدك يــــــــــــــذل الوح
ولك رد
عطشت الماي ارويني ولك رد
اصيـــــح ابصوت حاجيني ولك رد
أخبرك لـــــــوح البكلبي ولك راد
تـــــرد مايك يغالي اليوم اليه
احباب جنه سوه شنهو الي صار اوجره
معلوم سوء الفهم جـــــــن نهر بينه اوجره
يا عمري انســــه الزعل بيـــدك اسحبه اوجره
اوتعرف مصابــــــــــــي مثل دمعـــــة طفل نازله
اوكلبي الوحيد الــــــــــــــذي كل الوكت نازله
والحزنـــــــي كل الحزن حبي ارتعب نزأله
بعدك ولاني الزمن تنور حزني اوجره
رد انته طفي الجمر لا تبخل ابردتك
والله يا منيتي عين الحسد صــــــــــابتك
لن انته مثل الكمر واجمل بعــــــــــــد طلتك
تدري انته روحي فقط ولهانـــــه بمحبتك
ارجع حبيب العمر خلي افرح ابرجعتك
والمكم
حلفت بدموعي اجمعكم والمكم
واشيل اجـــــــروحكم كلهه والمكم
ابوكم مـــــــــا شعر بيه ولا امكم
ولا انتو شعرتــو اشلون بيه

شكرا لك اخي العزيز
ابدعت القسم